بسم الله الرحمن الرحيم

باعتبار الانتقاد هوايتي #1 .. اليوم رح أنتقد بعض التصرفات اللي بنشوفها بشوارع عمّان .. وطبعاً الواحد بيكون مقهور وهو بسوق بالشوارع ! بتمنى كل واحد بقرا هالانتقادات اذا كان عنده أي شي منها يحاول يتركه ..

1. بكون الواحد ماشي بشارع من مسربين .. الشارع مليان والدنيا أزمة وكل العالم طالعة بسياراتها .. بترك المسربين وبروح يمشي بنصّ الشارع ( بسنتر الخط الأبيض بنصّ السيارة ) وخلي الناس تدبّر حالها، إما تستناه أو مضطر تعمل معاه مشكلة أو تزرق من جنبه اذا قدرت !!

سألت والدي عن هالحالة وقالي انه في ناس بتخاف تضيع عن طريقها فبتحط الخط قدامها وبتمشي عليه .. تفسير وارد بس ما اقتنعت فيه لانه مرات الشارع ما بكون فيه الا هالطريق ! برضه حاولت أجرّبها وأمشي بنصّ الشارع وما حسّيت بمتعة أبداً .. ضايل احتمالين .. إما اللي بسوق ختيار ( مضيّع ) أو إنو ما بشوف وعلى الحالتين .. الحق مش عليه ،، الحق عاللي أعطاه الرخصة ..

بسم الله الرحمن الرحيم

نعم أنا هنا أحدّثكم من على لابتوبي في غرفة أخي الأكبر من عمّان .. ألقي عليكم تحية الإسلام .. السلام عليكم ورحمة الله وبركاته ..

في الحقيقة أنني أدوّن لا لشيء سوى أنّي أفتقدكم وأشعر بأن هناك ما ينقصني ما دمت بعيداً عن الكتابة في مدونتي ..

التطورات الأخيرة جعلت نفسيتي بعيدة عن عالم التدوين رغم أنه عالم رائع ومهما ابتعدت عنه فلا بد لي من عودة إليه …