بسم الله الرحمن الرحيم

باعتبار الانتقاد هوايتي #1 .. اليوم رح أنتقد بعض التصرفات اللي بنشوفها بشوارع عمّان .. وطبعاً الواحد بيكون مقهور وهو بسوق بالشوارع ! بتمنى كل واحد بقرا هالانتقادات اذا كان عنده أي شي منها يحاول يتركه ..

1. بكون الواحد ماشي بشارع من مسربين .. الشارع مليان والدنيا أزمة وكل العالم طالعة بسياراتها .. بترك المسربين وبروح يمشي بنصّ الشارع ( بسنتر الخط الأبيض بنصّ السيارة ) وخلي الناس تدبّر حالها، إما تستناه أو مضطر تعمل معاه مشكلة أو تزرق من جنبه اذا قدرت !!

سألت والدي عن هالحالة وقالي انه في ناس بتخاف تضيع عن طريقها فبتحط الخط قدامها وبتمشي عليه .. تفسير وارد بس ما اقتنعت فيه لانه مرات الشارع ما بكون فيه الا هالطريق ! برضه حاولت أجرّبها وأمشي بنصّ الشارع وما حسّيت بمتعة أبداً .. ضايل احتمالين .. إما اللي بسوق ختيار ( مضيّع ) أو إنو ما بشوف وعلى الحالتين .. الحق مش عليه ،، الحق عاللي أعطاه الرخصة ..

بسم الله الرحمن الرحيم

ذهبنا - أنا والعائلة – يوم الأربعاء 19-08 في رحلة لمدة يومين إلى مدينة العقبة السياحية والحمدلله. انطلقت عائلتي في سيارة والدي من عمّان إلى مدينة العقبة في حدود الساعة السابعة صباحاً، وفي حوالي الساعة السادسة والنصف، خرجنا أنا وأخي الأكبر ” أحمد ” من المنزل لنصل في موعدنا إلى مكتب شركة النقل ” JETT “، حيث أن سيارة والدي لا تتسع لكامل العائلة في رحلة طويلة ( 7 أشخاص ).

في طريقنا – أنا وأخي – إلى منطقة العبدلي ( حيث يوجد مكتب JETT )، سألني أخي إن كنت أحمل معي تذاكر الرحلة، أخرجت محفظتي لأتأكد منها وتابعنا مسيرنا لنأخذ سيارة أجرة ” Taxi ” إلى مكان التجمّع في العبدلي. نزلنا من التاكسي في الجهة المقابلة لمكتب النقل JETT. وعندما وصلنا إلى جهة الحافلة التي ستخرج في الرحلة، مددت يدي إلى جيبي لإخراج المحفظة حيث توجد التذاكر، والمفاجأة كانت ” أين محفظتي؟! ” !!